نبدا بسم الله ونجيب طنجرة نحط فيها قطع دجاج ونضيف عليها حبة بصل وفصوص ثوم مرحيين وم ك زيت ونضيف ملح وفلفل اسود. وكركم ونحطها تتقلى جيدا ثم نضيف كمية من زيتون اخضر شرائح ونقلي جيدا

نمرق بالماء ونخليه يطيب

نرجع نحط نصف صدر دجاج مرحي في ريسيبين نضيف عليه ملح ونفس التوابل وبقدونس مقطع ونضيف شابلير

نلم اللحم جيدا ونجيب ورق شفاف نحط قطعة من اللحم ونحلها ثم نحط حبة جبن مثلثات وحبات زيتون من فوق ونشكل حربوش حتى نكمل كامل اللحم ونترك كمية نشكلها صبيعات كفتة ونضفها عالمرق

نغلق الطنجرة ونحط حرابش الرولي في كسكاس ونخليهم يفورو قليلا ثم نفتح الطنجرة

نحط الرولي في الطنجرة ونخليهم يطيبو جيدا بعد ماطابو نخرجهم وننزع الورق الشفاف ثم نقليهم في زيت

نحط الرولي في صحن ونخليهم يبردو حتى يرجع الجبن يتماسك ونرجع نجيب صحن التقديم نقطع الرولي إلى شرائح ونحطها على حواف الصحن كنا فالصورة ثم نحط كمية من صبيعات الكفتة و الزيتون

فالاخير نزين الصحن ببقدونس مقطع وفلفل حار مقلي ونحط قطع الدجاج على جنب