وصفة الصابلي موجودة من قبل انا عملت 250غ زبدة شكلو العجينة بطابع مربع طبعتها كامل وحطيتها فوق ورق طهي ودخلتو الفرن يطيب من تحت حتى ينضج

نرحي كمية من الكاكاو محمص ناعم ونضيف عليه غوفريت مرحي وم ك شكولاتة الطلي ونبدا نجمع بمعجون المشمش ونطبعها بنفس الطابع المربع

نلصق كل حشو مع حبة صابلي وحدة من فوق ووحدة من تحت حتى نكمل كامل الكمية

نجيب ترانسفير مكتوب فيه الف مبروك BAC ونعمرو شكولاتة بيضاء وندخلو المجمد وننزعو كي يجمد

شكل الصابلي بعد ماتماسك ثم نغلف حبات الصابلي بشكولاتة بيضاء ونخليها تجمد جيدا ثم نطليه بملمع فضي ثم نحط قليل من شكولاتة ونلصق الترونسفار في كل الحبات

فالاخير شكل صابلي النجاح بريستيج حضرتهم لنجاح ابن اختي في شهادة البكالوريا