اول خطوة هنقطع اللحمة شرائح رفيعة وهنتبلها بالتوابل اللي مكتوبة فوق وعليها خل وعصير ليمون وهنسيبها في التتبيلة من ساعة لساعتين

تاني خطوة في طاسة على النار هنضيف زيت وعليها اللحمة ونشوحها ونضيف عليها بصل جوليان شرائح واول ماتستوي هنشيلها من على النار

تالت خطوة هنحضر الدريسنج (الصوص) بتاع السلطة هنضيف الزبادي على الطحينة والثوم المفروم والملح والكمون

في طبق التقديم هنضيف الكابوتشا المتقطعة وعليها الطماطم وبعد كدة شرائح بصل عليها سماق وبعد كدة هنضيف عيش شامي وعليهم دريسنج السلطة اللي جهزناه وبعد كدة هنضيف خيار مخلل وبعد كدة شاورما وعليها البقدونس وهنضيف في الجوانب فلفل الوان وخيار مخلل وعيش شامي وهنضيف على الوجه برده دريسنج السلطة وتقدم بألف هنا 💓