مجبوس فراخ على طريقتي
وجبه تكفي فردين
إفتح في تطبيق كوكبادالخطوات
- 1
الاول بحضر الفراخ بنزل بمعلقه زيت واحط الثوم وفص او اتنين مستكه واشوحهم شويه وبعدين انزل بالفرخه تأخذ صدمه معاهم وتتشوح شويه
- 2
بعدين بنزل على الفرخه بماء مغليه واحطلها البهارات بتاعتها ملح فلفل حبهان ورق لوري وبصله صغيرة وطماطمايه واسيبها تتسلق
- 3
على جمب بكون غسلت الارز البسمتي ونقعته شويه حوالي نص ساعة
- 4
اما الفراخ تستوي بجهز حله ملعقة زيت وانزل بالارز واديله تقلبتين وبعدين انزل عليه بشوربه الفراخ وازود شويه ملح
- 5
اما يبتدي يتشرب الارز بحطله لون الزعفران علشان يطلع اصفر
- 6
على جنب بحضر الصلصة وده بصله صغيرة بحمرها وانزل عليها بفص ثوم وعصير طماطم واسيبها تتسبك مع ملح وفلفل وثنه سكر صغيرة
- 7
بعدين بجهز الحشو وده بصله كبيره متقطعه بحضر طاسه تيفال وانزل بالبصل بدون اي زيوت واخليه لحد اما يتحمر كويس وانزل عليه بماء مغليه لحد اما يستوي البصل وبكون سالقه حمص طبيخ ومنقعه الزبيب في ماء مغليه
- 8
لما يستوي البصل بنزل عليه بالحمص والزبيب وانزل برشه ملح وفلفل والقرفه واقلبهم كويس مع بعض
- 9
اما الفراخ فيترش عليها ملح وفلفل وتدخل تحت الشوايه علشان تبقي مقرمشه
- 10
في بعض بيفضل تكون مدفونه في الارز
- 11
للتقديم بيتم غرف الارز ويجمل بالحشو ويوضع فوقه الفراخ ويقدم بجانبه الصلصة
كلمات ذات صلة
وصفات مشابهة
وصفات ننصحك بمشاهدتها
التعليقات