سويسرول بحشوة الكريم شانتيه وقطع المانجو
إفتح في تطبيق كوكبادالخطوات
- 1
اول خطوة هنضيف البيض مع الفانيليا والسكر وهنضربهم كويس جدااا بمضرب البيض لغاية مايبقي اللون ابيض والقوام على معانا وواحنا بنضرب هنضيف الزيت
- 2
بعد كدة هنضيف البيكنج باودر على الدقيق وهنضيف رشة الملح ونقلبهم وننخلهم بالمصفاة ونضيفهم على خليط البيض على مرتين ونقلب من تحت لفوق براحة وهنجيب صينية مقاس ٣٠ * 25
- 3
هندهنها زيت ونبطنها بالدقيق وننزل عليها خليط الكيك وتدخل فرن سخن على درجة حرارة 180
- 4
بعد ماتخرج من الفرن هنجيب سكينة رفيعة ونفكها من الجناب ونتأكد انها اتفكت كلها هنكون فاردين ورق زبدة وعليه سكر بودرة وهنقلب الكيك عليها وهنلفها رول ونغطيها بفوطة ونسيبها تبرد
- 5
على مالكيك يبرد هنجهز الكريمة هنضيف باكيت الكريم شانتيه وعليه فنجان اللبن الساقع ونضربهم كويس بمضرب البيض لو حسيتوا الكريمة ماسكة شوية ضيفوا سنة بسيطة لبن وكملوا ضرب
- 6
اخر خطوة هنفرد الرول تاني بعد مابرد وهنحشيه بالكريمة وبعدين هنضيف قطع المانجو ونلفه رول تاني ونقفله كويس جدااا وبعدين ندخله الثلاجة من ساعتين لتلاتة يمسك ويسقع وبعدين اول مانخرجه من الثلاجة هنقطعه بالسكينة وعلى التقديم على طول وبألف هنا 💓
كلمات ذات صلة
وصفات مشابهة
وصفات ننصحك بمشاهدتها
التعليقات (6)