في قصعة نحطوا الفرينة والسكر والخميرة والملح ونخلطوا ونلموا بالحليب ونعجنوا بعد ما نحسوا العجينة ولت طرية نزيدولها الزبدة ونجمعوا حتى تولي عندنا عجينة رطبة نغطوها نخلوها ترتاح

في مقلات نحطوا اللحم المفروم يطيب مليح نزيدولوا الملح وراس الحانوت ونحطوا الفلفل والطماطم نشوطوهم ونحطوهم في كيس بلاستيكي حتى يسهال تقشيرة بعد خمس دقايق نخرجوهم من لكيس ونقشروهم ونقطعوهم كي سلاطة المشوية ونحطوهم مع اللحم الطايب ونزيدولهم الهريسة والبطاطا المقلية ونخلطوهم مع بعضهم ونخلوهم على جنب

بعد ما تخمرت العجينة نقسموها لكويرات حسب الحجم الي تحبوه وتحطوها في سنية نضغطوا عنهم شوي ونخلوهم يتخمروا مليح ويتضاعف حجمهم نسخنوا الفرن وندهنوا الخبز بالبيض معه شوي حليب ونزينوه بالجلجلان ولا سانوج وندخلوهم للفرن يطيبوا بعد ما يطيبوا من لتحت نفتحوا نار الفوق نحمروهم شوي ونخروهم نغطوهم مليح باه يطراو بعد ما يطرا نفتحوا الخبز ونحطوا الحشو ونزيدوا من الفوق المايونيز وصحة على قلوبكم