نحطوا الفرينة (طحين) والملح والفانيليا والخميرة ونخلطوا نزيدوا الزبدة والبيضة والخل ونبسسوا ثم نعجنوا تكون عجينة رطبة وطرية نخلوه ترتاح لمدة ساعة

بعد ما ترتاح نحطوا شوي نشاء ونفتحوا بالحلال على قدر ما نقدروا بعد ما نفتحوها نرشوا عليها نشاء ونطوها كي العجينة لمورقة حتى نتحصلوا على مربع نزيدوا نفتحوه رقيق قد ما نقدروا كي نكملوا نفتحوها نقصوها على شكل مستطيلات كبيرة وناخذوا المستطيل نجوا على جنب نخلوا واحد سنتيم ونخططوا بالسكين حتى نهاية الجنب الاخر ونهزوا الحبة نطوها على 2 ثم على اربعة وندخلوا الزاوية في وسط ونسحبوها للزاوية الاخرى ونضغطوا على راس الحبة مليح ونحوا الزائد وكذلك نفس الشيى بنسبة لراس لاخر ونكملوا كل الحبات بنفس الطريقة

نسخنوا الزيت على نار قليلة الى المتوسطة كي يسخن الزيت نرموا الحبات ونقليوهم مليح حتى يتحمروا كي يبردوا نعسلوهم بعسيلة تكون دافية ونرشوا فوقهم الجلجلان راح يخرجولنا مورقين ومقرمشين في الصورة مش واضح التوريق مليح