في قدر نحط الزيت يسخن ونقلي اللحم تاعي من الجهتين كي يتقلى نزيد نحط البصل والثوم والطماطم بعد مانكون رحيتهم نقليهم مليح مبعد نزيد الملح والتوابل والطماطم المصبرة ونكمل نقليهم مليح كي نشوفهم تقلاو نمرق بماء يكون سخون كي نشوف اللحم تاعي دخلو الطياب نحط الحمص والخضر يطيبو

نجيب التليتلي ندهنو بشوية زيت ونحطو يفور التفويرة الأولى

كي يفور نحيه ونسقيه بشوية من المرق ونحطلو شوية ملح نخليه يشرب مليح ونعاود نحطو التفويرة الثانية

كي يفورلي نحيه ونزيد نسقيه بالمرق ونحطلو مغرف صغيرة طماطم مصبرة وشوية زبدة ونخليه يزيد يتشرب المرق تاعو ونزيد نرجعو يفور

كي يفورلي التليتلي تاعي ويكون المرق تاعي ختار نصفيه ونجمرو على نار تكون قليلة

نزينو في صحن التقديم وشهية طيبة