صينية بطاطس باللحمة
طريقة مختلفة جميلة وخفيفة 👌🏻😍
إفتح في تطبيق كوكبادالخطوات
- 1
هنسلق اللحمة لحد تمام التسوية وبعدين نجيب طاسة نحط فيها شوية زبدة وشوية زيت وننزل البصلة نشوحها شوية ونرش عليها الملح والفلفل الاسمر والكمون "الكمون مهم بيدي نكهة جميلة" والتوابل وبعدين ننزل بالثوم اول ما ريحته تبان ننزل بالطماطم المتخرطة والفلفل الاخضر المتخرط ونقلبهم شوية يدبلوا وبعدين ننزل معاهم البطاطس تأخذ تشويحه وممكن نرش رشة قرفة بسييطة
- 2
هنرص فوقهم قطع اللحمة المسلوقة ونضيف شوربة على البطاطس لحد ما تغطيها وندوق ونظبط الملح لو محتاج واول ما تغلي نهدي النار ونغطي الصينية ونسيبها على نار البوتاجاز مدة ما البطاطس تستوي عشان متتهريش
- 3
هنشغل الفرن درجه حرارة ٢٤٠ ونشغل الشواية وندخلها البطاطس واللحمة تأخذ لون تحمير جميل ونطلعها وبالف هنا 🌺 سر جمالها ان كمية الطماطم بسيطة ومش مضروبة عصير ده بيخليها اخف واطعم كتير
كلمات ذات صلة
وصفات مشابهة
وصفات ننصحك بمشاهدتها
التعليقات