#فلسطين_داري

زي ما انا وانتو وكتير ناس عارفة انه احنا بموسم بنودع فيه العنب، واحنا في الخليل أهل التوزيع والإحتفالات، مش بس بالمهرجانات وكمان في المنتجات اللي بتطلعها من العنب؛ الخبيصة والملبن والدبس والعنطبيخ.
زمان كانت امي تروح مع دار سيدي ويعرشوا في الكروم ويعملوا كل هالمنتجات وكمان زبيب، ذكريات عشتها من كلام امي وعمتي وحلوة كتير.. اما الذكريات اللي انا عشتها بنفسي كانت لما امي تجيب العنب وتعصره برجليها مع الحور وتصفيه وتولع نار الحطب على سطوح دارنا اللي بتطل على الحرم الإبراهيمي وتضل تغلي العصير طول اليوم لحد ما يعقد، بدون ما تضيف ولا رشة سكر، كله من يكر العنب علشان هيك كان يأخذ وقت كتير وكانت تحرك وترتاح وتسيطر على النار لا ميته ولا عالية كتير... احلى اشي كان واحنا اطفال انه نشوي بطاطا، ندفنها في الفحم اللي بضل ومرات نشوي ذرة.
اليوم انا بدّي احكي عن العنطبيخ؛ اللي ما بقدر يفرغ من عندي مثله مثل الدبس والملبن. .
.
شو بدّي احكي عن العنطبيخ(؟) اول اشي انه عنب طبيخ، يعني عنب مطبوخ دمجناهم وصاروا عنطبيخ، احنا الخلايلة النا لهجتنا المميزة والحلوة طبعاً، اللي انا بحكيها كتير منيح 😍مع اني لفيت كتير في العالم وعشت برا كتير.
العنطبيخ مكون من مكون واحد فقط... one ingredient recipe . #فلسطين_داري