اللحمة يفضل تكون انتركوت و تبقى متقطعة بالسُمك ده علشان متاخدش وقت في السوا

هنسخن الطاسة و نحط الزيت و ننزل باللحمة تأخذ صدمة نخلي بالنا في الخطوة دي من الزيت علشان بيترتش

هنستنى لحد ما اللحمة تأخذ اللون البني ده و بعدين نشيلها و نحط البصل و المشروم (الفطر) لحد ما ياخدوا لون

هنشيل الخضار و نحط السمن و الدقيق لحد ما يتحمر ننزل عليه بالمياه و نقلب كويس و نرجع كل حاجة تاني جوة الطاسة و نخفف عليهم هنحط كل التوابل ما عدا الملح و نغطي و نسيبها ما بين ساعة لساعة الا ربع و نتاكد ان المياه كل ما تقل نزودها

هنحط بعد الساعة دي الكريمة و الملح و نقلب و نسبها تأخذ غلوة لحد ما الصوص يتقل و نطفي عليها