لعمل الكريب الحلو هننخل الدقيق ونحط عليه النشا "بيدي قرمشة" و رشة ملح بسيطة جداً و الفانيليا ونقلب كويس وبعدين نضيفلهم اللبن ونضربهم شوية بالمضرب الكهربائي وبعدين نضيف البيضة والخل والزبدة ونضرب تاني كله مع بعضه بالمضرب لحد ما نضمن عدم وجود اي تكتلات

لعمل الكريب الحادق ننخل الدقيق ونحط عليه النشا والملح والفلفل الاسمر ونضيف اللبن ونخلط كويس وبعدين البيض والخل والزبدة ونضرب تاني "لو لقيت اي تكتلات في العجين نصفيه بمصفاة"

لازم قبل ما نسويه ندخله الثلاجة وهو عجين يرتاح شوية مش اقل من نصف ساعة، للتسوية هنمسح طاسة مبيلزقش فيها الطعام بمسحه خفيفة من الزيت لازم خفيفة، ونحطها على النار تسخن ، لما تسخن نحط كمية من عجين الكريب على اد الطاسة وبسرعة جداً نلف الطاسة في كل الاتجاهات عشان العجينة تتوزع في الطاسة كلها ونحطها على نار متوسطة لحد ما احس ان السطح اللي تحت استوي هقلبها عشان تلون من الوجه التاني، الدليل على انها استوت انها بتكون من جوانبها مبقيتش لازقة في الطاسة

نكرر العملية اللي فاتت لحد ما نخلص كمية العجين ، وكل ما يكون سمك الكريب رقيق بيبقي احلى كتير