ثانيا نبدأ ب عمل الكيك اولا نضع كل المكونات الجافه في طبق عميق ثم نضع في الخلاط البيض والسكر واللبن والزيت والفانيليا ونضرب هم كويس قوي في الخلاط وبعدين ننخل معلقتين الكاكاو ونحطهم على الدقيق وكل المكونات الناشفه نضربهم كويس جداً مع بعض ثم نضع عليهم الخليط اللي في الخلاط

ثم ندهن صينيه مقاس 24 او 26 ويستحسن 24 عشان الكيكه تبقى عاليه ندهنها سمنه ثم ندهنها دقيق و نضع خليط الكيك فيها وندخلها فرن ساخن على درجه حراره 180 ما فتحش عليها الفرن خالص غير بعد 30 دقيقه بالضبط هي بتقعد في الفرن من 40 دقيقه 45 دقيقه

وعند خروجها من الفرن وتترك لتبرد تماما ثم نقسمها نصفين نحطه على اول نص جزء من المهلبيه بالشوكولاته اللي احنا عملناها وسبناها لما تبرد ونرش عليها شويه من الشوكولاته الشيبس ثم نضع الجزء الثاني من الكيك ونغلفها كلها بباقي المهلبيه من فوق ومن تحت نغلفها كويس جداً ثم نرش عليها باقي الشوكولاته الشيبس ونضعها في الثلاجه لمده ساعتين على الاقل اول ما تطلع من الفرن وهي ساخنه نرش عليها عسل مخفف بشويه ماء بالمعلقه عشان تبقى طريه ومسكره من جوه وبالف هنا وشفا على قلبك

هي مقاديرها كثير شويه بس فعلا طعمها تحفه تحفه احلى من بتاعه بره بكثير على الاقل انت عارفه اعملها ازاي بايدك لاولادك وبالف هنا على قلبك وقلب اولادك