إفتح في تطبيق كوكبادالخطوات
- 1
نقطع البفتيك شرائح طوليه ونضيف عليه الزبادي وملح وفلفل اسمر وبابريكا وتوابل لحمة وتوم باودر وبصل باودر ونص فنجان زيت زيتون وجنزبيل وقرفة ونسيبهم في التلاجة اقل حاجة تلات ساعات
- 2
بعد ما نسيب التتبيله تلات ساعات نجيب طاسة ونحط معلقة زيت زيتون ونقطع فيها بصلة كبيرة شرايح لحد ماتدبل ونضيف اللحمة بالتتبيله ونقلب شوية ونرطي النار لحد ما اللحمة تستوي نتابع اللحمة ونزودلها شوية ميه كل ربع ساعة لحد ماتستوي
- 3
بعد ما استوت اللحمة نقطع طماطم مكعبات وفلفل شرايح طوايه وننزل بيهم عاللحمة ونقلب شريه ونضيف معلقة طحينة ونقلب تاني ونطفي النار وكده الشاورما جهزت🍖🍖🍖
- 4
الرز بقي نجيب كوب ارز بسمتي وننقعه في شوية ميه دافيه وبعد كده نصفيه نحط معلقة سمنه وننزل بالرز المتصفي عليها ونقلب ونضيف ملح، فلفل، بهارات كبسه، ورق لورا، قرنفل، كاري ونقلب وننزل بالميه المغليه ونوطي لحد مايستوي الرز وكده الرز جهز
- 5
نجيب العيش ونقطعه مربعات نحاول تكون مربعات متساويه عشان الشكل الجمالي ونقليه في زيت غزير
- 6
نجهز طبقنا اولا نضع العيش ثانيا نضيف عليه الرز بحيث انه يغطيه ويكتمه عشان العيش يطري من حرارة الرز ثالثا نضيف الشاورما وبالمعلقة نعمل خطوط بالطحينه عالشاورما ونزين الطبق من الجناب بالعيش الشامي المقرمش
- 7
بألف هنا وشفا وعافية لاتنسوني من صالح دعائكم💕
وصفات مشابهة
وصفات ننصحك بمشاهدتها
التعليقات (2)