اول خطوة تدبيل ورق العنب بنحط بطنجرة على الغاز ماء و بس تغلي بننزل ورق العنب دقيقة وبنرفعه على مصفاية

الحشوة بنغسل الرز وبننقعو شوي بعدين بنصفيه وبنحط اللحم المفروم وبهارات ملح وفلفل وبابريكا ونعناع يابس وبهار مشكل وكمون و سنين ثوم مفروم ناعم و رشة ماء وبنخلطن بتكون الحشوة جاهزة

بنصف بالطنجرة اللحم بعضمه بعدين بنصف ورق العنب بعد ما نحشيه وبنوزع بيناتن الشرحات وروس الثوم كاملة بعد ما نغسلا اخر شي بنحط تتقيلةً أو صحن على الوجه

بنضيف ماء و ملح و حمض ليمون و بنرفع الطنجرة على النار وبدها تقريبا ساعتين ونص لتستوي انا زاد عندي من الحشوة في حشيت شوية كوسا و صفيتن على الوجه بس بعد ساعة من اليبرق والف صحة وهنا