أولا: اعملي الشربات عشان يلحق يبرد عشان الكنافه بتكون سخنه والشربات بارد

في اناء ضعي ٢كوب سكر عليهم كوب وربع ماء وعصره نصف ليمونه ويوضع علي النار وبعد مايغلي نضع عود القرفه او الڤانيليا ثم يترك ليبرد.

في بوله ضعي الكنافه وضيفي السمن السائح وملعقتين السكر والڤانيليا مع التقليب حتي يتجانس المكونات.

في قالب الكب كيك ضعي في كل كب شويه كنافه واضغطيها نصف ضغطه بس متكبسيهاش اوي وبعدين دخليها الفرن

هنجهز الكريم شانتي وهو عباره عن باكو الكريم شانتي هنبدأ نضيف اللبن او المايه بالتدريج مع الضرب لحد. ما نوصل للقوام المطلوب.

بعد ما تستوي الكنافه وتخرج من الفرن هنسقيها بالشربات وبعد ما تتشرب هنبتدي نأخذ كل واحده ونضعها في ورق الكب كيك

هنبتدي نشكل وردات بالكريم شانتي علي كل كب وبعدين نضع علي كل كب واحده فراوله وممكن بالفرشاه نلمع الفراوله من الشربات عشان تكون بتلمع وتتقدم وبألف هنا.