أول خطوة لازم نعملها عمليه تفتيح المفتول في وعاء عميق نضع المفتول وعليه زيت الزيتون وثم نصب عليه لتر الى لتر ونصف ماء دافئ ليتفتخ ويسير طري ومكعب مرق الدجاج بشوي ماء ساخنة ليدوب وبضيفه على المفتول ونتركه على جنب 20دقيقة ليمتص السوائل وفي هادا الوقت بحضر دقة المفتول بأخذ زبدية وبدق فيها قرنيين فلفل يفضل يكون احمر مع شوية ملح وبضيف عليها بذور الجرادة وبسحقها وبعدين بضيف عليها بصلة مفرومة وبدقهم امنيح وبصفي ميتهم

بأخذ طنجرة عميقة الى راح اطبخ فيها الدجاج وبحط فيها الدجاج النظيف وعليه الماء المغلي وبشيل الزفرة بحط بصلة مفرومة صغيرة والبهارات الصحيحة ورق الغار والقرفة والمستكة والهيل وبملح وبحط على القدر نفسه مصفاية عميقة وبحط فيها نصف كمية المفتول وفوقه بدير الدقة الى عملتها وبرجع بضيف باقي كمية المفتول وبغطيه كويس بقصدير والغطا تبع الطنجرة وبتركه يستوي امنيح

بعداستواء المفتول وبنفس الوقت بيكون الدجاج كمان استوا بأخذ المفتول وبسكبه بجاط كبيرة وبشوكة بفرق الحبات عن بعضها وبضيف الزبدة لحتى ما يعجن وبملح

تجهيز اليخنة في قدر ثاني بأخذ مرق الدجاج وبسكب عصير الطماطم عليه وبحط البطاطا المقطعة والحمص والقرع وبصلتين امقطعين من النص اربع ارباع فقط وبضيفلهم فلفل اسود وثلاث ملاعق كبار صلصة واثنيين فلفل أخضر كاملين او أكثر حسب الرغبه ونص ملعقة صغيرة بهار دجاج ما ننسى انه مرق الدجاج امبهر وريحته حلوة وبتركها 20دقيقة تتسبك وتستوي الخضار وهيك صارت جاهزة

في صحن التقديم بسكب كمية مناسبة من المفتول وبصف في الوسط الدجاج هنا ممكن تاخدو الدجاج تشووه حسب الرغبة او توضعوه زي ماهو وبنصف عليه اليخنة وجمبه بصحن بندير صوص من اليخنة لذيذ معه بتكون وصحة وعافية 😋