العجينه ممكن تسويها في البيت أو الأسهل تاخذ عجينة السمبوسة الجاهزه

والحشوه بيض وطماطم وكراث مقطع مربعات صغار

ولو حاب لحم أو دجاج مفروم مع بصل ينحمسو قبل بروحهم مع شوية ملح وبهارات

وينحط معهم شرايح بصل أخضر وينضافو للخلطه بمعنى يكونو مستوين

ينخلطو مع بعض وتنحشى فيهم عجينة السمبوسه طريقة الفرش تكون على شكل +

وتنحط الحشوه داخل وكل قطعه تسكر فيها تحط عليها من بيض مخلطو مع فلفل أسود عشان يمسك وماتتفتح العجينه

وندهن العجينه من جميع الأطراف وهي مسكره بحليب سائل مخلوط معه فلفل أسود

(هالطريقه تحافظ على طراوته ومايكون قاسي أو متكسر)

فالأخير في مقليه أو صاج نحط مسحة زيت

بعد مايسخن نحط العجينه من الجهتين والنار تكون هاديه عشان يستوي البيض اللي داخل وتضبط

وألف صحة وعافيه عليكم