الكشرى اللذيييييذ
طريقه مختلفه شويه لكن لذيذه جدا ان شاء الله
إفتح في تطبيق كوكبادالخطوات
- 1
اول حاجه بنسلق المكرونه استخدمت اسباجتى وصغيره سلقتهم مع شويه ملح ولما تستوى اصفيها
وف نفس الحله ببشر بصله اول ماتصفر انزل عليها ب ٤ فصوص توم كبار مفرومين يصفر انزل عليهم بمعلقه صلصه تشكشك شويه وانزل عليهم بعصير طماطم ومعلقه بكابريكا و٣ م هوت صوص ده زياده للى عايز ومعلقه صغيره سكر والملح ونسبها تتسبك - 2
بعدين بنسلق العدس ف حله ونحط رشه ملح وكمون وفصين توم ونسويه تلات اربع سوا ونصفيه
و فى نفس الحله بنحمر شويه شعريه ونركنها ف طبق وفالحله ببشر بصله صغيره مع زيت وافضل اقلب لحد البصله مالونها يبقا بنى غامق انزل ب ٣ فصوص توم مفروم واقلب بعدين انزل بالرز المغسول واقلب لحد مايفلفل انزل بالشعريه والعدس وازود ميه والملح واسويه عادى - 3
البصل بقطعه حلقات واحط عليه رشه ملح معلقه دقيق ومعلقه نشا واحمره فالزيت
الصلصه بعد ماتتسبك بزودها شويه ميا عشان سمكها يبقا مظبوط واخد شويه بصل من اللى حمرته وافركه بايدى لحد مايتفتت خالص واحطهم مع الصلصه واسبها تاخد غلوة
الدقه توم وكمون وملح وفلفل وشطه وخل وميه بعملها عالبارد
الصلصه التانيه بحبها زى الدقه جنب الكشرى بتبقا حلوة اوى
٢ طماطم فالخلاط مع قرن فلفل رومى ونص قرن حراق او هوت صوص او شطه حاجه منهم
مع ملح وفلفل وكمون واضربهم وتتقدم
وبالهنا
كلمات ذات صلة
وصفات مشابهة
وصفات ننصحك بمشاهدتها
التعليقات