لعمل القطر: في طنجرة و على نار متوسطة بنضيف السكر مع الماء مع التحريك لحتى يذوب السكر و بعد الغليان لمدة ٥ دقائق بنضيف عصرة الليمون و بنخلي يغلي كمان ٥ دقائق و قبل ما نطفي النار بنزيد المازهر ونحرك ونتركه يبرد على جنب

لعمل القشطة: في طنجرة عميقة بنخلط الحليب و الكريمة و السكر و النشا و الطحين و بنحرك لحتى يذوب السكر والنشا

نضع الطنجرة على نار متوسطة ونفضل نحرك لحتى يسمك الخليط و قبل ما نطفي النار نضيف المازهر و بنحرك (ما تخافي لو طلع الخليط تقيل لانه اذا كان رخو رح تطلع الحشوة من أطراف العجينة) نسكب القشطة في طبق بايركس ونغطي الطبق بالبلاستيك الغذائي و نضعها بالثلاجة لحتى تبرد

على سطح نضيف نفرد عجينة البقلاوة كل ٦ او ٧ طبقات فوق بعض.. ندهن كل طبقة بالسمنة ومن ثم نقطع العجينة الى مربعات (٩ او ١٢ حسب كبر الوربات المرغوب بها)

نضع ١ ملعقة كبيرة من القشطة الباردة في وسط كل مربع و نثني طرف كل مربع لعمل مثلث محشي بالقشطة لحتى ننتهي من عمل كل الكمية

نضع الصينية في الرف الأوسط في الفرن المحمى مسبقًا على درجة حرارة ٤٢٥ف/٢١٠ م

وصحة وهنا