كيكة الجيلي.. تحفة
إفتح في تطبيق كوكبادالخطوات
- 1
نضع البيض في إناء عميق ونضربه بالمضرب الكهربائي لمدة 3 دقائق
- 2
ثم نضع عليه الفانيليا والسكر مع الخفق ثم اللبن والزيت
- 3
ثم نضع في إناء اخر الدقيق والبيكنج باودر ورشة الملح ونقلبهم مع بعض
- 4
ثم نضع عليه الخليط السابق (السوائل) ونقلبهم مع بعض حتى يختفي الدقيق ونضعهم في صينية مبطنة بالزيت والدقيق وعلى فرن سخن لمدة ٤٥ دقيقة ونختبرها بسن السكينة
- 5
ولما تستوي الكيكة نسيبها تبرد وبعدين نقلبها على صينية مسطحة ونغسل نفس الصينية اللي سوينا فيها الكيكة ونضع فيها شرائح الفراولة
- 6
ونجيب علبتين من الجيلي وكوب ماء مغلي وكوب ماء بارد ونذوب كيسين الجيلي في كوب الماء المغلي ثم نضع الماء البارد ونقلب ونضعه على شرائح الفراولة في الصينية ونضعها في الثلاجة لمدة ساعتين تقريبا تجمد
- 7
ونخرج الصينية من الثلاجة ونضع عليها الكيكة ثم نذوب ال 3 اكياس الجيلي اللي الباقيين مع كوب ونصف ماء مغلي ثم نضع عليه كوب ونصف ماء بارد ثم نصبه بالتوزيع على الكيكة في الصينية ونضعهم في الثلاجة لمدة ساعتين مرة اخرى ليجمد
- 8
ونطلع الصينية من الثلاجة ونضع تحتها حلة فيها ماء مغلي ثواني فقط مش كتير علشان يفك الجيلي من الصينية (لكن مش يسيح) لسهولة قلب الكيكة في صينية التقديم.
- 9
ملحوظة : نذوب الجيلي في كمية المياه المذكورة فقط مش اكتر هو بيكون نصف كمية الماء المكتوبة على العلبة علشان تكون متماسكة مع الكيكة.. وممكن تحشو الكيكة من النصف بالكريمة وشرائح الفراولة قبل وضعها على الجيلي.. وممكن تغيرو نوع الفاكهة والجيلي بالنوع اللي بتحبوه.. انا جربت واحدة تانية بجيلي الاناناس وشرائح الأناناس الكومبوت ودي صورتها.. معلش طولت عليكم بس لازم التفاصيل علشان تبقى ناجحة
كلمات ذات صلة
وصفات مشابهة
وصفات ننصحك بمشاهدتها
التعليقات (14)