طريقة عمل البيتي فور
إفتح في تطبيق كوكبادالخطوات
- 1
نضرب الزبدة مع السكر البودرة لحد ما تبقى زي الكريمة
- 2
وننزل بصفار البيض والفانيليا ورشة الملح مع الخفق
- 3
وننزل بالدقيق شوية شوية ثم اللبن ولازم جميع المكونات بدرجة حرارة الغرفة ومينفعش اي مكون فيهم يكون ساقع
- 4
هتطلع معانا عجينة اتقل شوية من الكريمة.. ثم نضعها في الكيس الحلواني او ماكينة البيتي فور ونشكلهم زي ما نحب على صاج متبطن بورق زبدة
- 5
وندخلهم فرن على درجة حرارة ١٨٠ ومنفتحش عليها قبل ال ١٠ دقائق ونشوف استوت ولا لسة ويفضل تجربوا الاول في وحدتين بس تشوفيها هتفرش ولا هتستوي زي ما هي. علشان لو فرشت هتزودي العجينة دقيق تاني لحد ما تظبط معاكي وتكملي
- 6
لما تطلع بقى ممكن تضيفي قطعتين وتدهني ما بينهم بالمربى بتبقى تحفة وتغمسي نصفها بالشيكولاتة مثلا لو حابة وممكن تعملي قطعة واحدة وتغمسيها في شيكولاتة بيضا او غامقة زي ما تحبي
- 7
ملحوظة: لو حابيت تعملوا شوية بالكاكاو هتخدو نصف العجينة وتزودو عليها ملعقتين كاكاو خام. 😋😋😍😍
كلمات ذات صلة
وصفات مشابهة
وصفات ننصحك بمشاهدتها
التعليقات (6)