સૌપ્રથમ ઉપર જણાવેલ સામગ્રી માંથી ગોળ અને તુલસી સિવાય ની બાકીની બધી સામગ્રી જેમ કે તજ, લવિંગ, જાવિત્રી, કાળામરી,ઈલાયચી અને આજમા ને મિક્સર માં પીસી ને તેનો પાઉડર બનાવી લો.

હવે તૈયાર પીસેલા પાઉડર માં સુંઠ અને ગાંઠોડા પાઉડર મિક્સ કરો.તો આ ઉકાળા માટેનો પાઉડર તૈયાર છે.તમે કોઈ પણ એરટાઈટ જાર માં ભરી ને તેને 12 મહિના સુધી વાપરી શકો છો.વધારે માં તમે આ પાઉડર માં લીમડા ના પણ અને તુલસી ના પાન ને સૂકવીને તેનો પાઉડર બનાવીને મિકસ કરી શકો છો.

હવે ઉકાળો બનાવવા માટે એક તપેલી માં પાણી ગરમ કરવા મુકો. તેમાં તુલસી અને ગોળ ઉમેરી ગોળ ઓગળે ત્યાં સુધી ઉકાળો..

ગોળ ઓગળી જાય પછી તેમાં તૈયાર કરેલ ઉકાળા નો પાઉડર 2 ચમચી જેટલો ઉમેરી તેને 5 થી 7 મિનિટ ઉકાળી લો.

5 થી 7 મિનિટ પછી ઉકાળા ને ગાળી લો.અને સહેજ ઠંડો થવા દો.ઉકાળો જ્યારે નવાયો એટલે કે સહેજ ગરમ હોય તેવો જ પીવો...સર્વ કરતી વખતે તેમાં 2 લીબુ નો રસ ઉમેરી પછી પીવો.તો તૈયાર છે આયુર્વેદિક ઉકાળો.