منكسر البيضة ومنرش الملح والسكر والحليب ومنخفق بعدين منرش الخميرة ومنخفق بعدين منذوب السمنة ومنسكبهاومنحركها بعدين منضيف الطحين مع حبة البركة ومنعجن بعدين مندفي كاسة ماء ومنكتها لحتى تصبح العجينة طرية ومنتركها مدة ساعتين لتتخمر

اما الصلصة منفرم البصل والفلفل والثوم ومنقليهن بالزيت لحتى يستو شوي مو كتير بعدين منضيف دبس البندورة ومنحرك بعدين منضيف البندورة ومنحركها ومنتركها لتغلي ومنضيف ملح وشوية بهار وسكر

بعدين منفرد العجينة بصينية مدهونة زيت نباتي ومندهن الصلصة ومنرش الجبنة مندخلها الفرن لمدة عشر دقائق اول شي منشغلو من تحت بس استوت من تحت منشعل الفوق وصحة ومليار هنا وعافية حبايب قلبي ♥

وهي موديل تاني من قلب الفرن