شيش طاووق
إفتح في تطبيق كوكبادالخطوات
- 1
اول حاجه بنغسل الوراك بالملح ونشطفها في ساعتها مش بننقعها فيه خالص ولا دقيقه
- 2
بعدين ننقعها في خل وليمون نص ساعة ونشطفها ونسبها تتصفى على مانجهز التتبيله
- 3
في بوله بنحط خلطه الشيش طاووق والزبادي والزيت وعصير اللمونه والفلفل الاسود ونقلب ومش بنحط ملح الملح اللي فالخلطه كفايه اوي
- 4
ونحط مكعبات الفراخ فالتتبيله ونسبها اقل حاجه نص ساعة لو اكتر يبقى احسن
- 5
وفي جريل او طاسه تيفال بحط معلقتين سمنه على ٤ ملاعق زيت واول مايسخن
انزل بمكعبات الفراخ مش كلها طبعاً بنزلها شويه بشويه عشان متنزلش ماء
واول ماتاخد لون بهدى النار - 6
واغطي الجريل شويه بعدين اشيل الغطا واعلى النار واقلب على الوجه ثاني بنفس النطام
- 7
وممكن للى عايز يسويه كله في الفرن
او يديه صدمه ويدخله يكمل سوى في الفرن بس على الجريل بيبقا طعمه احلى - 8
للخضار قطعت بصل وفلفل الوان وبعد ماسويت كل الفراخ نزلت مكانها بالخضار هياخد من طعم البهاريز اللي نزلت
- 9
فالطاسه يتشوح شويه وانزل عليه الفراخ واحط الفحمه في بوله صغيرة استاليس وعليها شويه زيت واغطى لحد ماياخد الطعم وقدمته مع عيش ورز وسلطه طحينه
والف هنا
كلمات ذات صلة
وصفات مشابهة
وصفات ننصحك بمشاهدتها
التعليقات