أولا نقطع البصل مكعبات صغيرة،ثم نحطها على النار مع الشحمة و الزيت كي يسخنوا نغطيه و نقص النار و نخليه يطيب. و بعدها نشمخ(نبل) الكسكس و نحطه يفور مرتين ،نحيه و نفتحه بالزبدة أو زيت الزيتون حسب الرغبة. في نفس القدر (برمة) نضع البطاطاو الجزر يغلوا.

إذا لقينا البصل طاب شوية (ربع ساعة تقريبا) نضيف الملح الطماطم المصبرة و نخليهم يزيدوا يطيبوا 15min حتى نتحصل على صوص (مرق) متماسك مش جاري (ماء)

نقطع الطماطم الى جوانح و نقليها هي و الفلفل الحار.نخلط المرق مع الكسكس ثم نحطوه في طبق التقديم و نزينه بالبطاطة و الجزر مقطعين مكعبات صغار البصل الأفلفل الطماطم الزيتون و الدبشة (هذه الزينة تكون حسب الذوق) زيت زيتون. بالصحة❤