هنغسل الزيتون و نشقه اربع ارباع من فوق وننقعه في ماء لمدة 4 ايام مع مراعاة تغيير الماء كل يوم علشان المرارة تروح و بعد كدة هنقسم الليمون جزئين.. جزء هيشقق برده من فوق اربع ارباع علامة اكس كدة.. والباقي هيتعصر و نأخذ القشر بتاعه مع الليمون المتشقق و نسلقه

هنجهز جنبنا ماء مغلية مسبقا و مبردة مع باقي المكونات و نضع طبقة ليمون و زيتون وعليهم طبق من الخلطة (الجزر _ الكركم _ الثوم _ حبة البركة _ الفلفل _ الفلفل الاسود _ العصفر _ الكرفس) ونضع عليهم عصير الليمون و الملح و نستمر في الطبقات لحد ما نخلص الكمية كلها ثم نضع عليهم عصير الليمون و الماء لحد ما نغطي الزيتون و نغرز بالسكينة كدة علشان نوسع للماية تنزل تحت كويس ونحط شوية زيت زيتون على الوجه او زيت عادي

ونعطي البرطمان بكيس بلاستيك وبعدين بالغطاء و نتركه لمدة من 15 ل 20 يوم ومنفتحش عليه قبل كدة.. وممكن نأخذ منه في برطمان صغير علشان نختبر منه ولما يستوي نشتغل من البرطمان الكبير علشان ميعملش ريم على الوجه