رز بالخلطه الليبي ومصارين
اكله ليبيه مشهوره
إفتح في تطبيق كوكبادالخطوات
- 1
نضع اللحم وبصل وحرارت الارز في طنجره ونقليه مع بعضه مع ورق غار و ملح وفلفل اسود وزيت
- 2
نقليها ونحمرها زين ونضيف كاس ماء كبير يغلي كل مكونات جيدآ
- 3
بعد ما يطيب اللحم نطلعه من المرق ونضعه في طاجين حراري في كوشه
- 4
ناخذ المرق و نضعه علي نار هاديه لعند ما يغلي ونضيف عليه الارز
- 5
بعد ما يطيب الارز ،نقلي الكبده مقطعه وبعدها اللوز مطبوخ قبل و نحول القشره ونقليه وبعدها الكاجو ،و ننقع الزبيب في ماء زهر
- 6
نضع كل مكونات فوق الارز للتقديم اللحم والمكسرات وبالهناء...
- 7
ناخذ المصارين نغسلها بالماء ونقلبها ونبدا بالخرط المصارن ونضعه في تبسي فيه ليمون وخل حتي تنظف نهائي
- 8
نوتي خلطه المصارين ، كسبر معدنوس وبصل اخضر وفلفل و طماطم وشبت و نعناع كله مقطع بالموس مفروم فرم و لحم وكبده مقطعات
- 9
نضيف البهارات المصارين وطماطم حكيه و زيت نباتي وملح والارز
- 10
نخلط كل المكونات مع بعض حتي تتجانس ونبدا بقلب المصارن من خارج للداخل ونحشي المصارين بس اهم شي يكون حشو مش واجد نهايه المصارن نربطه او نصكره بعود الاسنان بيش ما ينفتحش
- 11
نضعهن في طنجره كبيره وتكون فيها ماء وملح ومغليه ونضع المصارين وناخذ عود اسنان و نفتح بيه مصارين فتحات بسيطه وصغيره نغز
- 12
بعد ساعه بالضبط في طنجره يطيب نطلعه ونحطه في طجين وفي كوشه بيش يتحمر ،،،، وصحتين
كلمات ذات صلة
وصفات مشابهة
وصفات ننصحك بمشاهدتها
التعليقات