إفتح في تطبيق كوكبادالخطوات
- 1
منغسل البرغل بالماء ثلاث مرات
- 2
ثم ننقع البرغل بماء ساخن مقدار غمرة البرغل منتركو لحتى يتشرب الماء وتتفتح حبات البرغل
- 3
بعد ما يتشرب كل الماء منصفيه لحتى نتأكد انو مافيو ماء اما اذا كان في ماء على البرغل منعصرو من الماء
- 4
نضع البرغل في محضرة الطعام الدور الأول ومنفرمو ومنرجع نفرمو دور تاني بأضافة اللحمة وبشر الليمون والبصل المقطع بالتدريج اثناء فرم البرغل حتى ينفرمو سوى بأضافة ملعقة طعام عاديه من كل من التوابل المذكوره
- 5
ومنرجع نفرمو مره تالته لحتى نتأكد انو اختلطت جميع المكونات معاً منرجع ندعكها على ايدنا يعني منعجنها لحتى يسهل علينا كبكبتها
- 6
تحضير الحشوه ك التالي: بندبل البصل المفروم ناعماً بقليل من الزيت على النار ثم نضيف اللحمة وبنسبكها معو لحتى تنضج بنضيفلها ملعقة دبس رمان مع اضافة ملعقة صغيرة من كل من التوابل المذكوره في المكونات ثم نخلط الصنوبر مع الحشوه بعد ان تجهز منترك الحشوه في مصفاه خاصه للطبخ لحتى نتخلص من اي زيت او سوائل حتى تصبح بدرجة حرارة الغرفه
- 7
الآن نبدأ بالكبكبه نأخذ قطعه من العجين ونشكلها على شكل كأس ثم نحشوها بالحشوه ونغلها ونبرم اطرافها لتأخذ شكل حبة الليمون 🍋لازم يكون حدك كغس محلول فيو ماء ونشاء لتمليس سطح الكبه وتغطية الشقوق ويسهل عليكي تشكيلها يعني بتحطي اناملك فيها وبتشكلي الكبه بعدها او اذا كان عندك الآداه الخاصه بتحطيها فيها وبتشكلي
- 8
بعد مابجهزو منتركهم ربع ساعة بالبراد لحتى يتماسكو ومن بعدها منقليهم بزيت غزير وحامي وما تقلبيهم لحتى يتحمرو من الأسفل اكتفي بهز المقلاه بنقلبو لحالهم بعد اخراجهم من الزيت منحطهم على ورق المطبخ لحتى يمتص الزيت منهم وبنقدمهم
- 9
صحة وهنا مني انا دودي 🤗
وصفات مشابهة
وصفات ننصحك بمشاهدتها
التعليقات (10)