بسم الله الرحمن الرحيم نضع في صحن بيض والسكر ومبشور ليمون والملح ونضربهم مليح حتى يتضاعف الحجم ويصبح ابيض اللون ثم نغربل كاكاو وفرينة وخميرة ونضيفهم على ثلاث دفعات ونخلط من الاسفل الى الأعلى

ثم نضعها في صينية فيها ورق الزبدة نفرغ الخليط ونسويه وندخله يطيب في فرن ساخن من قبل عاى 180 مدة 18 الى 10 دقايق نخرجو ونضعه عاى فوطة مبلولة مدة 10 دقايق

ثم نقلبه على فوطة ناشفة وننزع ورق الطهي ونشربه بالسيرو جيدا ثم نضع كريمة شانتيي لي طلعناها ثم نلفه ونغطيه بكريمة شانتي كامل وندخله مجمد مدة ساعة ونخرجه

ونفرغ عليه شوكولاته لي ضفنالها كاوكاو (فول سوداني) ونغطيه كامل وندخله المجمد مدة نصف ساعة يتماسك ونقدمه بالصحة والعافية انشاءالله

تحضير السيرو نضع السكر وماء وشريحة الليمون ونتركه على نار متوسطة حتى يغلي نحسب 8 دقائق ونطفي

تحضير كريمة شانتيي نضع في صحن غبرة شانتيي والماء او الحليب ونخفق بادنى درجة ثم نزيد فالدرجات ونخفق مليح حتى تطلع كريمة مليح نضيفلها علبة ياغورت ونخلط مليح ونحشي ونغلف بيها رولي

تحضير شوكولاته في حمام مائي نذوب شوكولاته مليح ثم نضيفلها حليب بالتدريج مع الخلط ثم نضيف كاوكاو (فول سوداني) ونخلط ونغطي بيه رولي

ملاحظة انا لم يتوفر عندي الا ملعقة غير مملوءة جيداً كاكاو بني والباقي عوضته فرينة (طحين او دقيق)