ندع في طنجرة بصل ودجاج وشويا زيت ونخليهم يتقلو ونزيد حمص من يتقلو نزيد عليهم طماطم ربي وملح وفلفل وثوم وطماطم مصبر ونخليهم يتقلو مليح ويتقلو مليح نمرق عليهم ونخلي دجاج يطيب (يستوي) مليح.

نجيب شوفلور (قرنبيط) نقيه مليح ونله ونديره في قدر يغلي وندير عليه شويا ملح ونخليه يطيب (يستوي) من يطيب (يستوي) نقلعه ونخليه يقطر مليح.

نجيب لبطاطا نقيها ونغسلها ونقطعها دوائر ونملح ونقليها ونجيب إناء ندير فيهم لبيض وشويا ملح ومغرف كبيرة فرينة (طحين او دقيق) وندرب مليح ونرمد بهم شوفلور (قرنبيط) ونقليه ونحطه على جنب.

من طيب لمرق نقلها من طنجرة ونفرش فطنجر لبطاطا لقليتها ونزيد شوفلور (قرنبيط) لقليته ونحط دجاج مل فوق ونزيد عليهم لمرق ونزيد لمعدنوس مل فوق ونحطه فوق النار شويا ونطفي عليه ونقدمه.