نجيب الخلاط ونحط فيه السكر والزيت والكاكاو واللبن ونخلطهم كويس في الخلاط وناخد قيمه كوب من الخليط ده ونحطه في التلاجه

وباقي الخليط اللي في الخلاط هنضيف عليه البيض وشويه من اللبن ونخلطهم كويس

بعد كده نجيب بوله او طبق ونحط فيه الدقيق وعليهم البيكنج بودرة ونقلبهم وبعد كده ننزل بالخليط اللي ضربناه في الخلاط

ونقلب في اتجاه واحد لحد ما العجينه تبقي انسيابيه نفس قوام الكريب كده او اخف شويه

بعد كده نجيب صينيه ونبطنها دقيق ونحط فيها الخليط بتاعنا وندخلها الفرن

بعد ما تطلع من الفرن نسيبها تهدي شويه وبعد كده نغرزها بالخله ونوزع على الكيكه حوالي ٥معالق لبن وبعد كده نقطعها ونجيب الكوب اللي كنا سيبينه من الخليط في التلاجه ونوزعه على وجه الكيكه ونزينها فالاخر بالفراوله او اي تزين انتي حباه

وبالهنا والشفا 🌺🌺🌺🌺