هنعمل طبقة الكراميل و هي اننا نحط في طاسة واسعه السكر و نسيبه على نار هاديه لحد ما يتكرمل خالص و ميبقاش فيه اي كلاكيع سكر و اول ما يذوب و يبقى جاهز نحطه في القالب بتاعنا على طول و منستناش عليه خالص لانه بيمسك وينشف فنلحق نحطه.

نعمل طبقة الكريم هنضرب كل المكونات مع بعض البيض و الفانيللا و السكر و اللبن و لبن البودرة، ونصبه في القالب بمصفى علشان ميبقاش فيه اي تكتلات.

طريقة الكيكة: هنضرب البيضتين مع الفانيليا و السكر لحد ما لونها يبقى فاتح خالص بعد كدا نضيف اللبن و الزيت ونضرب وعلى جنب بقى نحط كل الحاجات الجافة مع بعض الدقيق و الكاكاو و الكيك شيف والملح و نقلب وننزلها على المكونات السائلة واحده واحده و انا بقلب في اتجاه واحد و احط الخل و اقلب و كدا الكيك بقى جاهز هنصبه على الكريم كراميل ومنخافش من الشكل هيفصلوا في الفرن جوا

هنجيب صينية اكبر من الصينية اللي فيها الكيكة ونملى ربعها ماء ونحط فيها صينية الكيكة و ندخلها الفرن السخن بتأخذ ساعة في الفرن ونختبر الكيك بعصاية شيش او خله لو طلعت نضيفه يبقى كدا استوى انا اخدت معايا ساعة بالظبط نطلعها نسيبها تهدى و منقلبهاش خالص هندخلها الثلاجة ٣ ساعات كدا متغطيه علشان الكيك مينشفش و نطلعها نقلبها.

ان شاء الله هتطلع تحفة جربوهاااا و بالف هناااا ❤❤😍😍