طحالات محشيه

Name: طحالات محشيه
Cuisine: فلسطينية
Ingredients: طحال خروف; بقدونس; فلفل حراق; فلفل الوان; ثوم; بهار كاري فلفل اسود قرفه ملح

المكوّنات

1

اول شي بنظف الطحال او الكبده اول شي بعمليه التنظيف بنشيل اذا في دهن عليهم وبتكون طبقه خارجيه بعدين بفتح كل قطعه من فوق وبتدخلي بالسكين لتحت لتتأكدي انه السكينه فتحت كل القطعه من جوا بعدين بننقعهم بشويه زيت زيتون ملح فلفل اسود وشويخ خل بصفايه وخليهم يتصفوا براحتهم بعديها بتلت ساعه اغسليهم وخليهم يتصفوا من المي بالوقت هاد
2

بنحضر الحشوه بنفرم البقدونس فرمه وسط والفلفل والثوم فرمه ناعمه وبنخلطهم وبنحط شويه زيت زيتون وملح وفلفل اسود ورشه كاري ورشه قرفه وبنبهر الطحال او الكبده من برا بنفس الطريقه وبنبلش نحشي واندخل الحشوه لجوا ليتملوا ع الاخر
3

بنصفهم بالصينيه وبنعبيهم مي وبنسلفنهم وبندخلهم ع الفرن ساعه ونص تقريبا وصحه وهنا