الفراخ قطعيها مربعات تبليها بملح وفلفل اسود وبهارات من عندك

هاتي طبق فيه دقيق ومعلقة نشا وبيضه
وقلبي الفراخ فيهم وحمريهم في الزيت

اسلقي المكرونه

هاتي بقي بصله شرايح وفلفل شرايح وجزر شرايح وكوسه شرايح
طاسه بقي فيها شوية زيت سخنين وانزلي بيهم علي النار تلت دقايق لغاية بس ما ياخدوا لون مش يدبلوا

وبعدين هاتي طبق حطي فيه معلقه صغيره جنزبيل و معلقتين كبار كاتشب وزيهم صويا صوص وخل و عسل اسود حطي معلقه كبيره

ونص كوباية مايه ومعلقه صغيره نشا و قلبيهم

وبعدين حطي نص الخضار علي الفراخ ونص الصوص ع النار
وحطي الباقي مع المكرونه ع النار برده

لحد ما الصوص يبقي لزج وشيليهم من ع النار

وبالهنا والشفا ❤️