بيتزا إيطالي بعجينة هشه 🍕
#بيتزا ايطالي
إفتح في تطبيق كوكبادالخطوات
- 1
اول شي نص كوب ماء دافيه منحط فيه ملعقة خميرة كبيره ومعلقة سكر صغيرة ومنحركه ومنحطه على جنب ١٠ دقائق ومنحط بجاط ٣ أكواب طحين ومعلقة ملح صغيرة ومعلقة سكر صغيرة و٣ ملاعق لبن و٢ زيت زيتون ومنحركهم ومنضيف فوقهم كوب الى فيه الخميره ومنضيف نص كاسة تقريبا ماء دافيه ومنعجن ومنتركها ترتاح ساعة انا عملتها قبل بيوم وغطيتها وتاني يوم استخدمتها طلعت بتشهي زي الزبده
- 2
الصلصة البندورة منقسمها بالنص والبصل منقسمو قطع كبيره و٣ فصوص ثوم منحطهم بطنجره مع نص كاسة ماء ومنوطي عليهم ليستوي وبس يبرد على الخلاط منخلطهم ومنحط عليهم ماجي وملح وبابريكا وزعتر أخضر ناشف ضروووري وملعقتين زيت زيتون
- 3
منرجع للعجينه منفردها ومنرش رشة سميد بالصينيه عشان تطلع مقرمشه ومنحط العجينه فوقها ومنخزقها بالشوكه ومنحط صلصة ومنفردها بالفرشايه لاتكتري صلصة عشان ما تعجن
- 4
الحشوة منفرم نص بصلة ناعمة ومنقطع الدجاج قطع صغيرة ونذبله مع بهارات وملح وزعتر ناشف ومنحط ماء لحتى يستوي... المرتديلا منقطعها مثلثات ومقليها ومنحطها على جنب ومنقطع شرائح فليفله ملونه ورشة زيتون ومنبلش نحط الحشوه
- 5
منحمي الفرن ومنحطها بدون جبنة بس تأخذ قاعيه وتصير شقره من تحت منطلعها ومنرش جبنة على الوجه وعلى الشوايه من فوق تأخذ لون خفيييف مامنطول عليها عشان الجبنة ما تنشف وتضل تمط
- 6
وصحتين وعافيه
كلمات ذات صلة
وصفات مشابهة
وصفات ننصحك بمشاهدتها
التعليقات (12)