كسرة رخسيس اكسبراس
طريقتي السهلة و السريعة في تحضير الكسرة. شكل و بنة والوقت والجهد ما تديش
كسرة رخسيس اكسبراس
طريقتي السهلة و السريعة في تحضير الكسرة. شكل و بنة والوقت والجهد ما تديش
إفتح في تطبيق كوكبادالخطوات
- 1
نكيل 3 حفنات سميد متوسط مع خميرة الخبز و السكر و الخميرة الكيميائية و نخلط مبعد نضيف الملح و نخلط النواشف مع بعض
- 2
نسكب الزيت و ندلكو باليد حتان (حتى) يدخل في السميد مليح و نضيف السانوج (حبة البركة) حسب الرغبة
- 3
مبعد نسكب الماء العادي من الحنفية و نلم حتان (حتى) نتحصل على عجينة ماش طرية. و نلم برك بلا ما نعجن. و منبعد نضيف مغرف زبدة و نعجن و ندخلها مليح في العجينة. مبعد نقسمها على زوج و نكورهم. ديجا قبل ما نبداو في العجينة نكونو شعلنا على الطاجين.
- 4
نروحو لطريقة البسط للمبتدءات لي ما يعرفوش يجيبوها مدورو نحطو القرص و نحط الحلال في وسطها. بسطو للفوق و نزيدو نرجعو للنص و نهبطو للتحت مبعد نقلبو الخبزة كيما اي مثل موضح في الصور و نكمل بهذا الطريقة و لي ما صلحاتلهاش تجيب غطاء تاع مقلا و لا طنجرة و تطبع بيه الخبزة. هكا ما نقدرش نزيد نعاونكم 🤣
- 5
و نحطوها في الطاجين لي ما تعرفش تبسط العجينة على طرشونة ولا ورق الطهي و ترفد بيه و تقلبها في الطاجين.(ديما نلقالكم الحل 😂). و كي نقلبها نثقبها و كي تطيب اي تستوي من الجهة الاخرى نحيها و نقطعها و شهية طيبة
- 6
اسهل كسرة 😍
كلمات ذات صلة
وصفات مشابهة
وصفات ننصحك بمشاهدتها
التعليقات (4)