في إناء نضع الماء دافئ الخميرة ونحلها بفوي نضيف الفرينة اولا ثم الملح ونلم راح نتحصل على عجين طري جداً يتلاصق

فوق طاولة العمل بسرعة نحاول نشيح العجين عن طريق الدلك ندلكها دون قطع حوالي 10 دقيقة راح تنشف العجينة لكن تبقى طرية نحطها في إناء ونغطيها حتى تختمر راح تدي معايا حوالي 45 دقيقة اختمار نحبطلها طلوع ونقسمها إلى 4 كريات

نحل الكرة بيدي او بحلال بشكل مستطيل ونبدا نلف مع الضغط حتى نكل راح تجيني ثلاث لفات ومبعد وبواسطة اليدين نبرمها على شكل حربوش طويل قد طول بلاطو تاع فور

نحطهم في بلاطو فوق ورق طهي ونخليهم يعاودو يخمرو مليح هنا نكون شعلت فور وحطيت في فوق فرن إناء حديدي او بلاطو تاع حديد فارغ لما يخمرو خبزات نعمل خطوط بسكين او قطاعة حادة وندخلهم للفرن في منتصف وهداك بلاطو تاع حديد نصب فيه كأس ماء يعني راح يطيب (يستوي) معنا الخبز بالبخار

نخليه راح يتحمر مع بعض وادا كانت كوشة تاعك محمرتهولكش كيما اي مثل حابة شعليلو من فوق راح يدي وقت لاباس بيه باه يتحمر