اول حاجه اول ما ندخل نجهز هانجيب طبق فيه مايه سخنه وانقع فيه العدس و بعدين هانجيب حله وهاحط فيها زيت يعني ف حدود كوبايه زيت

هاحمر البصل فيها ولما البصل ياخد اللون اللي انا عيزاه هاشيله ومن نفس الزيت هاشيل منه معلقتين كبار في حله تانيه للصلصه

نرجع بقي للحله مكان البصل هاحمر الشعريه واول ما تتحمر هاحط عليها الرز واقله كويس بحيس يتغلف كويس بالزيتوعلشان يبقي مفلفل وحلو وبعدين هاضيف العدس واقلب واضيف المكرونه والملح وهاضيف المايه ومقدار المايه يعني يغطي الرز بعقله صابع

واول ما يتشرب المايه اوطي النار واسيبه يستوي براحته

نيجي بقي للصلصه الحله اللي حطيت فيها نعلقتين الزيت هاحطر فيها فصين توم نهروسن واقلبهم واول ما يتحمرو هانزل عليهم بمعلقتين الخل واديهم تقليبه وبعدين انزل بعصير الطماطم والصلصه والملح ربع ساعه علي النلر يتسبكو كدا مع بعض وبعدين اطفي عليهم وكدا يبقي جاهزه

نيجي بقي للدقه هاجيب هون واحط فيه التوم والفلفل اهرسهم وبعدين اضيف الملح وعصير لمونه والخل والمايه وكدا الدقه تبقي جاهزه معايا

هاغرف بقي الرز ف طبق وعليه صلصه الطماطم وبعدين البصل اللي حمرناه وجميهم الدقه ولو حابه تضيفي حمص دا اختياري