بعد تقطيع الدجاج و تنضيفه نعمل خلطة الدجاج ٣ ملاعق لبن و٣ صلصة بندوره بهارات مشكله وملح وبهارات اوزي وبهارات دجاج وزيت زيتون وثوم منقطعه قطع صغيرة وزعتر ناشف ومنخلطهم منيح مع الدجاج ومنحطه بصينيه ومنضيف عليهم كاسة ماء ومنخليه لحد مايستوي بالفرن وبس يستوي منحمر وجهو ومنحط فنجان زيت على الصينيه ومنكون مولعين فحمتين ومنحط فحمه داخل الفنجان ومنغطي الصينيه لحتى يعطي طعم مدخن للدجاج

منجيب طنجره منحط فيها زيت ومندير كيس البازيلا والجزر ومنحوسهم مع ملح وبهارات ومنغطي عليهم شوي ليدبلو ومنشيل نصهم بصحن لتزيين الوجه والنص التاني منخليه بالطنجره ومنضيف فوقه الرز والماء وبهارات اوزي ومشكله وكيس ماجي ومنخليه ليستوي بس يستوي منحط فنجان الزيت ومنحط فيه فحمه ومنغطي الرز ٥ دقائق بعدها مندير الزيت على وجه الرز ومنكب الفحمه