أول حاجة ديزوسي الكويس (نحيلو العظم) امبعد وجدي التتبيلة: مغرف موتارد.زوج سنات ثوم مكرفجين.زعيترة.زوج مغارف زيت.فلفل اسود.ملح.كركم.زنجبيل.شوييية كمون.خلطيهم وحدهم و ادهني بيهم الجاج من داخل و من برا و خليه يتشرب ساعتين.

حضري الحشو: كمية من كبد الدجاج قلليه مليح مع ملح و فلفل سنة ثوم ابعد زيديلو كمية من الفطر و قليه حتى يذبال و يتحمر و في الأخير زيدي كمية من اوراق السلق مقطعين رقاق قليهم شوية مع الخليط و طفي و احشي الأفخاذ واربطيهم بخيط😂😂😂لا يهربو هههههههه فايده احكموهم مليح مليح ههههه زيرو

بالنسبة للبطاطا قطعيها دوائر تبليها بنفس تتبيلة الدجاج.في طبق الفرن ديري بصل مقطع دوائر ثم بطاطا واخيرا دجاج تاعنا وغطيها بورق طهي ثم ورق المنيوم ودخليه للفرن ياخذ ساعة كامله ومن بعد نحي رورق طهي والمنيوم وخرجي بلاطو تاعك ادهني دجاج بشويه زبده من فوق ورجعيها يتحمر ومن بعد قدميه بصحه وراحه