في كصرونة نضع الماء يغلي ثم نضع فيه البطاطا بعد ماكنت قشرتها ونضيفلها شويا ملح ونخليها حتي طيب

ومن جهة نحضر كوكوت نسكرفج فيها بصلة وسنينات ثوم ونضيف. نصف صدر الدجاج والفلفل الاسود والكموناخضر وملح ونخليها تتقلا مليح ونمرقها بشويا ماء ونغلق عليها ونخليها حتي طيب

وبعد ماطيب البطاطا نقطرها من الماء ونمعسها بالفرشيطة ونخليها تبرد ونضيفلها شويا فلفل اسود وكمون اخضر وشويا ثوم

وبعد مايكون طاب صدر الدجاج نرحيه ونحضر القليل من البطاطا ونكورها كويرات ونضع القليل من اللحم في الداخل ونكورها ونتركها تبرد ونكمل حتي جميع البطاطا الا كويرات ونضعها في المجمد لمدة ربع ساعة ثم نخفق البيض جيدا ونحط الزيت في مقلاة حتي تسخن ونضع الكويرات في البيض ثم في المقلاة ونخليهم حتي ياخذو اللون الذهبي ونتركهم حتي يبردو ونقدمهم في صحن التقديم مع لصوص لي طاب فيها دجاج