مبدئياا انا مجبتش اي حاجه من بره الوصفه اقتصاديه وعلى أد الأيد

يعنى بالنسبه للبسكوت فهو بسكوت العشر دقائق اهه انا عملته واستخدمته في الترايميسو والطعم كان يجنن

والكريم شانتيه والكريز والبمبونى كله ده كان بواقى من تورتة اللؤلؤه بس كل حاجه من عندي من البيت بس والله الطعم كان يجنن

أولاً /نكسر البسكوت كويس جداا ونخليه ناعم أوى ونجيب بوله ونخلط فيها السكر والنسكافيه والماء كويس وبعدين نحط على البسكوت ونخلطهم كويس

بعدين نجيب صينيه ونفرش فيها ورق زبده أو كيس بلاستيك ونحط فيها البسكوت ونضغط عليه أوى بعدين نحط طبقه كريمه ونكرر الموضوع لغاية لما نخلص الكميه وبعدين نزيين بالطريقه اللي إحنا عايزينهاا ويقدم

انا مشترتشى اي حاجه كله بواقى حاجات عندي

وبالهنااا والشفااا

وعلى فكره ممكن نعمل الترايميسو في كاسات مش صينيه انا عملت كوبيه اللي هيه في الصوره