لتحضير العجينة نحتاج خلاط نحط فيه الماء الاول و شوية من السميد و نبدأ نخلط و نصب في السميد بالشوية و نخليه يخلط مدة خمس دقائق مبعد نفرغو في بسينة العجن و نشيح بالفرينة مع الملح حتى نتحصل على عجينة متماسكة و ما تتلصقش في اليد نلم باليد بلا ما نعجن. ندهنا بشوية زيت و نخلاها تريح 10 دقائق في الوقت لي نورح نوجد الحشو. كي تنحيها من الساشي تلقايها طرية و ملساء خير من لي عجنتيها بالعجانة. مبعد نديرها كويرات صغيرة و نغطاها بساشي

الحشو على طريقتي الخاصة السريعة. بصلة و طماطم مقطعة مكعبات و ثوم و دبشة (كزبرة) و الشحمة نحطهم يتشوحو في شوية زبدة او زيت و نحط التوابل واللحم المفروم

مبعد نحط طماطم مصبرة و البوفجوخ غير يطيبو شوية نطفي و نخلاها تبرد و نروحو لتحضير المحاجب

نبداو بتمديد الحواف اولا مبعد نبداو نجبدو في العجينة باش تتمدد من الوسط اجبدي ما تخافيش ما تتقطعش مبعد نطويها كما موضح في الصورة و كل مرة نطوي ندهنها بزبدة ذايبة باش تجي مقرمشة

انا هنا درت خليط من الهريسة و الطماطم هكا يحبوها في دارنا مبعد نحط الحشو و الجبنو نكمل نخلط كما هو موضح في الصور مع الدهن

ودايما نركر نخلط الحواف باش كي نحطوها تطيب اي تستوي تتنفخ و تطيب اي تستوي من داخل. و نحطها تطيب اي تستوي في مقلا ولا طاجين على نار متوسطة و نبقى نقلب فاها حتى تتنفخ و تأخذ اللون المحمر نحطها على ورق ماص وبالصحة و العافية