منحمص السميد مع الزبدة على الغاز ومنحط فوقهم الحليب والسكر مع الماء زهر والماء ورد منضل عم نحرك ليغلي ويمسك شوي مامنخليه كتير كراميل ضل العجينه طريه منطفي عليه ومنسكبو بالصحن يلي بدنا نقدم فيه ومنتركها لتبرد

منحضر الطبقه التانيه يلي هي القشطه.. كاستين حليب، علبة قشطة جاهزة، معلقتين وحده ماء زهر و ماء ورد، ملعقة طحين وملعقتين نشاء منخلط كل المقادير على البارد من عدا القشطة منحطهم على النار ومنحرك حتى يسمك ويصير معنا خليط كريمي منطفي عليه بعدها منضيف علبه القشطه ومنخفقهم مع بعض منيح وبعدين منحط الخليط فوق الطبقة الاولى ومنحطهم بالبراد مده من نص ساعة لساعه..

وقت التقديم منزين الوجه بالفستق الحلبي والقطر اما قطر العادي او المكرمل حسب الرغبه وصحه وعافيه..