نجيب وعاء ندير فيه السميد وقرسة الملح والفانيلا والسكر والزيت ونبسسهم مليح من بعد نزيد اللبن او الياغورت الطبيعي وكاس ماء الزهر ونخلطهم بيدي راح تلاحظي انو الخليط رجع سائل نوعا ماء.

نجيب الصينية انا استعملت صينية اربعين على ثلاثين وستة فردية نقسم العجينة على اثنين ندير الطبقة الاولى ونرشها باللوز ونزيد الطبقة الثانية ونعلمها بالسكين ونرشقها بحيات اللوز وندخلعا الفرن كي نشوف الجوانب تحمرو نجبدها وندهنها بالسمن و نشعللها من الفوق

قبل هذا نكون خدمت الشاربات وخليتها تبرد ، درت فيها السكر والماء ونخليها تغلي ربع ساعة ونطفيلها ونزيدلها كاس ماء الزهر

كي نخرج قلب اللوز نسقيها بالشاربات الباردة تدريجيا حتى نكمل الكمية ونغطيها بالفيلم الغدائي ونخليها تبات او على الأقل ستة ساعات انا جامي باتت ولادي يطيحو عليها في نفس اليوم.