العجينة: نخلط المكونات الجافة مع السمنة جيدًا ثم نبدأ بإضافة الماء ونعجن لحتى نحصل على عجينة ملساء.

نضع في صينية الخبز ورق الزبدة ونفرد العجينة بإرتفاع ٢سم ونضعها في الفرن. الفرن: بدنا نشعل الفرن لمدة نصف ساعة على أعلى حرارة وبعدها بنطفيه وبنحط فيه صينية العجينة وبنخيلها عحرارة الفرن وهو مطفي لمدة نصف ساعة.

بنطلعها من الفرن بعد نص ساعة بتكون نشفت، بنتركها لتبرد وبعدين بنسكرها وبنفرمها بمحضرة الطعام لحتى تصبح مفركتة مثل السميد وبننخلها جيدًا.

في صينية التحضير، نضع ثلاثة ملاعق سمنة بدرجة حرارة الغرفة مع ملوّن الطعام ونوزعهم بالصينية، ونبدأ برش العجينة لحد إرتفاع ٢سم ونضغطها جيدًا جيدًا جدًا، ومن ثم نفرد الجبنة ونبعدها عن الطرف بمقدار ٢ سم.

القطر: نضع الماء والسكر على النار ونتركهم حتى الغليان، بنضيفلهم ماء الزهر وبنتركهم لمدة ٥ دقائق على نار هادئة وبنضيف السمنة ونطفي الغاز.

بنرفعها عالغاز على حرارة عالية وبنخفف النار على الوسط وبنضل نلفلف الصينية لحتى تبدأ تتحمر الأطراف.

بعد ما تتحمر الأطراف، بنرش على الجبنة القليل من العجينة قبل ما نقلبها عشان الجبنة ما تلزق، وبنرفعها عن النار ونقلبها في صينية أكبر منها وبنحط عليها القطر "طبعًا لازم يكونوا الاثنين سخنين القطر والكنافة" وبنزينها وألف صحة وهنا😋..