تارتولات فراولة... بنة ياخويا ياخويا
إفتح في تطبيق كوكبادالخطوات
- 1
بسم الله : نبدأ بالعجينة في إناء نحط المارغرين السكر صفار البيض الفانيلا ونحرك مليح حتى تولي كريمة ونبدا نلم بالفرينة و نزيد خميرة الحلوى حتى تككون عندنا عجينة طرية نلفها ببابي فيلم و نحطها في الثلاجة.
- 2
من جهة اخرى في كسرونة نحطوا كاس الحليب فوق النار يسخن و في إناء أخر نخلط البيضة والسكر والنشاء مليح حتى يذوب السكر و نبدأ نزيد لحليب بلعقل ونحرك مليح نرجع الخليط للكسرونة ونحطوا على النار ونحرك حتى تعقد نزيدلها ملعقة صغيرة زبدة و ملعقة صغيرة فانيلا و نحرك نفرغوا في صحن و نغطيه ببلاستيك غدائي.
- 3
بالنسبة للتزيين نذوب 3 ملاعق كبار تاع لاجولي و نزيدلهم ملعقة صغيرة منكه الفراولة و كان جاك أحمر فاتح تقدري تزيديلوا قطرة ملون أحمر نحرك مليح و نخليه بجنب.
- 4
نجبد العجينة نشكلها فلي مول انا جاوني 5 حبات كبار و 2 صغار نسويهم مليح و نتقبهم فالقاعدة و ندحلهم فرن مسخن مسبقا على 180 درجة و نعسهم لا يتنفخوا في الوسط كي يحماروا نحيهم (نبعدهم) و نخليهم يبردوا.
- 5
نرجعوا للكريم باتسيير الى برد مليح نضربوا بالباثور حتى يرجع كريمة و نجيب الكريم شانتيه الى كنت طلعتها من قبل و نبدأ نهز بالشوية منها و نحط فوق الكريم باتسيير و نطلع بلعقل حتى نكمل كل الكمية ونتحصل على كريمة خفيفة و بنينة نحطها فلابوش و نعمر بيها لي فوندوتارت تاعنا و نزينهم بأنصاف حبات الفراولة و نحط فوقهم لاجولي على كل الوجه و ندخلهم يبردوا. وبالصحة والعافية
كلمات ذات صلة
وصفات مشابهة
وصفات ننصحك بمشاهدتها
التعليقات