نعجن مكونات العجين ونغطيه بنايلون ونتركه من نص ساعة لساعه

نخلط مكونات الحشوه كلها مع بعض

نبدأ نأخذ مقدار كره من العجين ونفردها على سطح نظيف مغطى بالنايلون باستخدام المرقه ونسوي العجينه رقيقه

نحط العجينه الى رقيناها على صينيه (تيفال) بدون ما ندهن الصينيه اي شي و نحط الحشوة فوق العجينه و نحطها على النار على الغاز العادي من فوق لمدة دقيقه واحده تقريبا فقط بس انه يادوب تستوي من تحت وتبطل تلزق العجينه بالصينيه نقدر نهز الصينيه لنتاكد و عادي نخليها بيضه ما بدنا ياها تتحمر من تحت بهي الخطوه

نحط الصينيه بالفرن على اعلى رف فوق ونشغل الفرن من فوق فقط يعني الشوايه لمدة دقيقتين تقريبا و نشيك عالصينيه اول مره لنعرف نحدد كم دقيقه بدها بالفرن..

رح تستوي اللحمة بسرعه و من تحت رح تتحمر و من فوق الاطراف كمان رح يتحمرو الموضوع كله بده دقيقتين مش اكتر والا بتحترق. شيكو على الفرن وشوفو درجة الاستواء والتحميص الى بدكم ياها وصحتين