إفتح في تطبيق كوكبادالخطوات
- 1
نغسل الفريكة كذا مرة ومننقعا بمي دافية لمدة ساعه
- 2
نغسل الدجاج جبت اربع فخاد وقسمتهن بالنص ونصفيهن من المي كويس
- 3
بطنجرة منحط سمنة ملعقة ونضيف المطيبات العطرية ونقلبها شوي ونضيف قطع الدجاج ومنقلبها لتبلش تاخد لون بعدين منغمرهن مي ومنتركهن على نار قوية ليغلي ومنشيل الزفرة ومنخليهن على نار وسط ليستوي الدجاج
- 4
منصفي الفريكة من المي ومنحطا بمصفاية لتتصفى كويس وبعدا منحط بطنجرة سمنة وشوية زيت ونضيف الفريكة ونقلبا مدة منيحة حوالي نص ساعه لتصير تنثر الحبات وتنشف من المي
- 5
بس يستوي الدجاج منصفيه من المي ومنجهز خليط الدهن هو عبارة عن لبن ودبس بندورة وبهارات ماجي وكركم رشة وملح رشة ووزيت مندهن قطع الدجاج بالزيت حتى ماتقسى عالشوي ومندهنا بخليط اللبن ودبس البندورة ومنصفن بصينية الفرن ومنحط كاسة مي مرق فروج تحت الدجاج ومنحمرن
- 6
بس تستوي الفريكة منغمرها بمرقة الدجاج مو كتير شي انو تنغمر ومنتركها على نار وسط وبس تنشف ميتها منهدي تحتها ونتركها تستوي على مهلها بتحتاج وقت نص ساعه
- 7
بس استوت الفريكة منسكبها ومنزينها بقطع الدجاج وتقدم بجانبها لبن بخيار والف صحة وصيام مقبول
وصفات مشابهة
وصفات ننصحك بمشاهدتها
التعليقات (12)
والدجاج عملته بنفس الطريقة وكان لذيذ جدا وطري.
شكرا لكم